دائِم یہوواہ یا ربّ
دائم یہوواہ یا ربّ قائم ہے تخت تیرا
تُوں واسطے نِیاں دے تخت آپنا ہے وِچھایا
دُنیا دا تُوں کرینگا اِنصاف سچّا یا ربّ
سچّیائی نال ہُندے قوماں دے فیصلے سبھ
دُکھیاریاں لئی ہیں مُحکم مکان یہوواہ
اُہناں دے دُکھ دے ویلے ہے اُہناں دی پناہ گاہ
آس اُہناں دی ہے تُوئیں جپدے جو نام تیرا
جو ڈُھونڈدے نے تَینُوں اُہناں نُوں چھڈّ نا دِندا
صِیّون وِچّ یہوواہ تعریف اُہدی گاؤ
سبھ کمّ اَچرج اُہدے قَوماں نُوں جا سُناؤ
پُچّھ کردا خُون دی جد اُہناں نُوں یاد کردا
فریاد عاجِزاں دی ہرگِز نہیں اُہ بُھلّدا