اِن زبانوں میں دیکھئے:
خُداوندا تُوں لشکراں دا خُدا ہے
خُداوندا تُوں لشکراں دا خُدا ہے
ٹِھکانا تیرا مَینُوں چنگا لگّا ہے
میری جان چاہندی تیری بارگاہ نُوں
میرا من میرا تن وی کردا ثنا ہے
اٹیراں تے چِڑیاں نے آلہنا پایا
بنائی اُہنے بوٹاں دے رہنے دی جا ہے
ہاں اَیسے طرحاں اَے میرے بادشاہ
تیرا مذبح میرے لئی اِک پناہ ہے
مُبارک تیرے گھر دے سبھ رہن والے
ثنا تیری اُہناں دے مُنہ وِچّ سدا ہے
مُبارک ہے اُہ جِس دا ہے زور تیتھوں
اُہناں دے دِلاں وِچّ تے تیری ہی راہ ہے
اُہ ٹُردے نے رونے دے جنگل وِچّوں وی
تے لیندے اُہ اُتھے ہی چشمہ بنا ہے
جدوں ہُندی اے پہل چھلّے دی بارش
اُہناں برکتاں نال لیندی چھپا ہے
اُہ اک زور تِھیں زور تک ودھدے جاندے
تے گھر پہنچ جاندے خُداوند خُدا ہے
میری گلّ تے کنّ دَھر تُوں یعقوب دے ربّ
تے سُن لِیں تُوں آپیں میری جو دُعا ہے