اِن زبانوں میں دیکھئے:
یِسُوع دی بلّے بلّے
بلّے بلّے یِسُوع تیری بلّے بلّے
رکھیا شیطان نُوں تُوں پَیراں تھلّے
یِسُوع دی بلّے بلّے
جِہڑا رکھے تیرے تے اِیمان اُہیو بچدا
تُونہیوں فرمان دِتّا سانُوں حقّ سچّ دا
تُونہیوں ساڈے نال، نہیں ہاں کلّے کلّے
رکھیا شیطان نُوں تُوں پیراں تھلّے
تیرے ناں چ ہُندیاں نے دِلاں چ بہاراں
تیرے توں جان یِسُوع ہسّ کے مَیں واراں
تیرے اُتّے دِل میرا ڈُلّے ڈُلّے
رکھیا شیطان نُوں تُوں پیراں تھلّے
آؤنا چِٹّے گھوڑے اُتّے یِسُوع تُونہیوں سجّ کے
دیکھے گا جہان، کہنا بدّلاں نے گجّ کے
تیری تلوار یِسُوع چلّے چلّے
رکھیا شیطان نُوں تُوں پیراں تھلّے