Kalisiya Worship

 ناصِری کے سِوا

ناصری کے سِوا میں تو کچھ بھی نہیں 
ہوکے اُس سے جُدا میں تو کچھ بھی نہیں

اُسکی راہوں پہ چلتا رہوں عُمربھر
بیت جائے یُوں ہی زندگی کا سفر
فضل کر تُو عطا مَیں تو کچھ بھی نہیں
ہوکے اُس سے جُدا میں تو کچھ بھی نہیں

خاک ہُوں خاک میں لَوٹنا ہے مجھے
یہ بدن کا وطن چھوڑنا ہے مجھے
وہ ٹِھکانا میرا مَیں تو کچھ بھی نہیں
ہوکے اُس سے جُدا میں تو کچھ بھی نہیں

اُسکا رستہ اگرچہ بڑا تنگ ہے
ہر قدم پہ مگر وہ میرے سنگ ہے
وہ میرا رہنما مَیں تو کچھ بھی نہیں
ہوکے اُس سے جُدا میں تو کچھ بھی نہیں